Laing bangko na usab ang gikatakdang buksan karong bulan sa Pebrero ning dakbayan sa Dipolog diin kini mao ang Philippine Postal Savings Bank kon PPSB.
Kini ang nasayran gikan sa buhatan sa impormasyon ning syudad.
Matud pa ni Ms. Belina G. Domingo, Vice-President ug Head for Mindanao Area nga ang Philippine Postal Savings Bank usa ka bangko nga 100 % nga gipanag-iyahan ug gikontrolar nga korporasyon sa gobyerno.
Usa kini ka Savings Bank ug usa usab kini ka Depository Bank alang sa pondo sa gobyerno.
Ang PPSB adunay mga sangang buhatan sa Cagayan de Oro City, Davao City, Zamboanga City, Manolo Fortich Bukidnon, alang kini sa ilang Mindanao Area.
Gipahayag ni Domingo nga gumikan kay nakakuha sila sa economic profile sa dakbayan sa Dipolog busa naaghat ang nasyonal nga buhatan sa PPSB nga makapuwesto usab dinhi sa Dipolog.
Niya pa, ang dakbayan usa lamang ka gamay nga syudad apan kusog ang pagtubo ug pas-pas ang pag-uswag niini.
Mardy D. Libres