Sa pagpakighinabi ni Ms. Rosevic Lacaya – Ocampo, ang Acting Hospital Administrator sa maong tambalanan nga sa gihimong konsultasyon sa nahisgutang Minor Surgical Mission adunay pito ang naoperahan ug 13 niini ang kinahanglan pagadad-on sa hospital tungod kay ipailawom kini sa hustong pag-atiman sama sa kasong goiter nga taud-taud na kini nilang gihambin sulod sa pipila na ka tuig.
Ang mga doctors sa ZMC mao sila si Dr. Roimm Villejo, usa ka Ortho Surgeon nga mao usa’y Hepe sa Ortho Section; Dr. Mark Anthony Mariñas, usa ka Surgeon nga mao usa’y Chairman sa Surgery Department; Dr. Oswaldo Lamdag, usa usab ka Surgeon; Dr. Antonio Aguirre uban sa mga Nurses sa maong tambalanan.
Ang mga mipahimulos sa maong libreng operasyon nga gitunol sa mga kawani sa ZMC mainiton kining mipadayag sa dakung pagpasalamat sa kagamhanang Pobinsyal ubos sa kasamtangang administrasyon ni Governor Rolando Yebes tungod kay nahatagan na gayud og igong kasulbaran ang taud-taud na nilang gihambin nga balatian.
MARDY D. LIBRES