Sa nasayrang impormasyon, ang kagamhanan sa Dipolog ang mopahigayon sugod karong Hunyo 25 sa mga mosunod nga sports competitions alang sa lalaki ug babaye sama sa inter-office volleyball, basketball, table tennis ug fun run nga open sa tanang mga government officials ug employees.
Ang sports competition nga gitawag ug “Panagsangka 2012” ang gi-disenyo usab nga maghatag ug color ug meaning sa pre-centennial celebration sa founding anniversary sa Dipolog human kini nahimong munisipyo niadtong Hulyo 1, 1913.
Sa samang bahin, ang kagamhanang local sa Dipolog ang karon nangandam na alang sa centennial countdown nga opisyal nga magsugod karong Hulyo 1 ning tuiga.
Kalabot niini, daghanang mga kalihukan ang gihan-ay alang sa maong kasaulogan.
MARDY D. LIBRES